Violencia

Unha nesta néboa de violencia
agocha ás mulleres maltratadas
que figuran a cotío nas portadas
contempladas con total indiferenza.

O home por historia por herdanza
escribe o seu poder coa maltratada
sempre obediente, a muller, escravizada
sufrindo en corpo e alma a violencia.

Non máis calar, esgotouse a paciencia
é a hora de conquistar plena paridade
e izar a bandeira da decencia.

Construír unha nova sociedade
nos tempos de internete, a nova ciencia,
vivir muller home e en igualdade.

Poesía creada por Emilio Balado Paz

LER MÁIS

Cando quero vivir, digo Moraima

RADIOFUSIÓN:
 O colectivo literario Moraima vén de nacer en Fene froito do obradoiro de poesía que nas pasadas semanas impartiu Pablo Bouza. As persoas participantes decidiron crear este colectivo de intervención para seguir enganchados á poesía. Xurxo Miguel Gago é un dos máis entregados na fundación do grupo que se realizou oficialmente o pasado 23 de novembro na Casa da Cultura de Fene.

Xa teñen avanzado en iniciativas e preparan para xaneiro un recital solidario de música e poesía. O mestre xubilado, Emilio Balado, forma parte deste colectivo que subtitulan "A grafía da emoción" como recordo do obradoiro e de Pablo Bouza co que quedaron encantados.

Henrique Sanfiz, Xurxo Gago e Emilio Balado

Entre os obxectivos de Moraima está a participación poética solidaria, en hospitais, asociacións, residencias de maiores e en canto lugar precisen da súa palabra. Gago. O obradoiro culminou hai unhas semanas coa publicación dun libriño cos poemas dos participantes. Incluense poemas de Matilde Castro, Maribel Serantes, José Pita, Margarita Pérez, Mariola Hermida, Araceli Margareto, Candela Quintía, José Emilio Balado, Adelaida Abad, María Ortega, Mónica Cadavid, Xurxo Gago, Esther Val, Andrés C.M.Riveira, Pablo Bouza e Fina Díaz.

Escoitar Audio:

...

Xurxo Gago e Emilio Balado falan do colectivo Moraima

FONTE: http://www.radiofusion.eu/manager.php?p=FichaNova&ID=20733

 

LER MÁIS

José Emilio Balado Paz

                                                                JOSÉ EMILIO BALADO PAZ

INDIANOS
 
A escola de Chamoso
cumple cen anos,
un patio, dúas aulas,
esforzo indiano.

Desde a lonxana Cuba,
modernidade,
vellos tempos de igrexa,
escuridade,
arredaron do ensino
cregos e frades.

Contrataban os mellores,
métodos novos
igualando na escola
ricos e pobres.

Grazas aos emigrantes,
Fene progresa,
son xente solidaria,
xente que pensa.

                                                                            JOSÉ EMILIO BALADO PAZ
 
O SEGREL
 
No Penedo está Sandulfe
en Sandulfe
                        hai
un segrel
no país de Rosalía
                        faro
                        proeiro
                        ronsel

Un poema, unha cantiga
                        verbas
                        con            sabor
                        de            mel           

Esvelto corpo, galán,
                        branca            camisa
                        de            liño
boina de pano sedán
bigote fino,
                        moumiño

Mariñeiro que ao drizar
abres rumbos
nos camiños
grazas Don Xosé María
                        poeta,            segrel
                        amigo.

                                                                             JOSÉ EMILIO BALADO PAZ
 
O COLE AZUL
 
No mundo de Centieiras
Hai unha clase
            encantada,
os alumnos son pitufos
as mestres fermosas
                                    fadas
os números, bolboretas
xoaniñas belas
                                    palabras.
Prohibida a violencia
a tolerancia
                        obrigada
Respectar as diferencias
sempre, as decisións
                        pactadas
Os brinquedos, son as armas
a munición
                        as            palabras
A verdade, unha bandeira,
no corazón
                        sempre            izada.

LER MÁIS