Novas

sábado, 20 de xaneiro de 2018

Segredos Agochados


Hai segredos por descubrir
nas mariñas furnas agochadas,
e recunchos e rapadoiras
moreas historias malfadadas.

Hai segredos por descubrir
nas nosas costas salgadas,
sábeno as vellas memorias
e os fondos das nosas augas.

Hai segredos por descubrir
valentes fazañas arriscadas,
bohemias crónicas melancólicas
de pianos varados nas praias.

Hai segredos por descubrir
dos mares das augas bravas,
das mareas metamórficas
e das somerxidas montañas.

Hai segredos por descubrir
de embarcacións naufragadas,
o mar e as súas incógnitas
o mar e as súas ondadas.

Poema creado por Xurxo M. Gago Chao 

Ningún comentario:

Publicar un comentario

LIGAZÓNS DE INTERESE

AS NOSAS WEBS


[Logo deseñado por David Fernández Hermida]