Unha das cousas máis importantes antes de pórse a crear é facer o posible por mellorarmos no emprego da nosa lingua, tendo moitas ferramentas na rede que facilitan a teima na aprendizaxe da nosa fala.
Unhas das que ofrecen as máis completas ferramentas son O Portal da Lingua Galega: http://www.lingua.gal/portada e O Portal Galego da Lingua: http://pgl.gal/ ademais da Real Academia Galega: http://academia.gal/ Pero existen moitos máis recursos para facilitarmos as dúbidas que poidan xurdir no medio do noso proceso creativo. É importante acudir a elas, a estas ferramentas, para non caermos en erros e poder saír de atrancos lingüísticos que poidan poñer freo ás nosas aspiracións creativas. Temos que fuxir dos castelanismos, procurar adecuar a escrita á normativa elixida, á galega normativa ou á galaico-portuguesa. 
A web do dicionario Digalego: http://digalego.xunta.gal/digalego/Html/index.php
tamén soluciona moitas dúbidas.
Certo é que hai moitas outras ferramentas para facilitar a tarefa creativa, pero nesta ocasión estou a falar de mellorarmos o noso galego, tanto falado como escrito. Un ben para nós, un ben para as nosas creacións, e un ben para a nosa lingua galega.
Un dos libros que máis me axudou a mellorar a miña fala e a miña escrita, foi, como non, o libro de Carlos Callón: Como falar e escribir en galego con corrección e fluidez
Recoméndovolo!
Ningún comentario:
Publicar un comentario